Ukiona mpenzi wako ana tabia hizi, kimbia!.
Wema Sepetu na Martin Kadinda
Hatimizi kila anachoahidi.
Mapenzi huanza na uaminifu, tena uaminifu unanzia kwenye vitu vidogo sana, moja yapo ni pale anapokuahidi atakupigia simu muda flani, unaweza kusubiri hadi jua linazama, bila hata ya kukutarifu kilichomsibu, inatokea mara nyingi labda kazi nyingi zinafanya mtu asahau, ila kama ndio tabia sasa kusahau.basi hauna umuhimu katika maisha yake.
Anamuongelea mpenzi wake wa zamani mara kwa mara.
Kwa mwanaume anayemuongelea mpenzi wake wa zamani, hapo kuna mawili, bado anampenda sana au anamchukia, vyovyote vile itakapoangukia, hii inamaanisha hajamalizana na mpenzi wake wa zamani kwa hiyo, ni vigumu kukupa 100% zote kwako.
Anakusaliti mara kwa mara
Mapenzi yanapokuwa bado machanga, unakuta watu hawaachani, kila sehemu wapo wote, mbaya Zaidi unapogundua kuwa mpenzi wako anakusaliti mapema yote hii, jiulize haswa ni nini kitakachokuwa kinaendelea hapo baadae.
Anakupelekesha, hasa inapotokea wakati bado mapenzi machanga.
Watu wengine wanatabia ya kuendesha wenzao jinsi anavyotaka yeye, hasa kwa wapenzi wengi, mfano mdogo unakuta wakati ndio kwanza mmeanza kutoka, atataka uanze kubadili jinsi uishivyo,mfano atataka uanze kubadilisha jinsi unavyovaa, anategemea uwepo kwa ajili yake masaa yote, anataka kujua kila mwenendo wako, anataka upungue uzito, uachane na marafiki zako na mengine mengi.
Kama rafiki zako wote wa karibu wakikuonya kuwa huyo ni kicheche.
Siku zote lisemwalo lipo, hata kama upo umezama kiasi gani katika mapenzi, rafiki zako wa karibu siku zote ndio watakaoanza kukupa ukweli hata kama hutaki kusikia, kama kila rafiki wako wa karibu anadhani kuwa jamaa siyo mtu mzuri, au ni kicheche, kuna asilimia 98% kuwa ni kicheche kweli.
