Ni ngumu kufahamu nini walichokuwa wakizungumza lakini kuna ishara kubwa kuwa mazungumzo hayo yatazalisha kitu kikubwa ambacho kama sio collabo ya Diamond na msanii mkubwa wa Marekani (wakiwemo anaowasimamia Liles) basi ni connection itakayompeleka hitmaker huyo wa ‘Number One’ level nyingine kubwa.
“Wapi utapata Rais ambaye atakubali kutoa muda wake wa thamani ambao unatafutwa karibu na kila mtu duniani..akautumia kukusaidia kukukutanisha na kukuconnect na mdau mkubwa duniani katikaa tasnia uliyopo, ili kuhakikisha tu Unafikia Malengo na Ndoto ya kazi zako…. Dah! Asante sana Mh Rais, Mwenyez Mungu akuzidishie na kukusmamia katika uongozi wako na siku zote za Maisha yako,” ameandika Diamond kwenye Instagram.
Maelezo hayo yanaonesha kuwa Rais Kikwete amehusika kwa kiasi kikubwa katika kumkutanisha na Kevin Liles, mtu anayeheshimiwa mno kwenye muziki wa Marekani. Diamond amekutanishwa na mtu sahihi Marekani, mtu ambaye anazijua ramani zote za muziki wa nchi hiyo na mtu ambaye ana uwezo wa kumuunganisha na label yoyote kubwa duniani ambayo kwa ushawishi alioupata Diamond barani Africa na nomination ya BET Awards anastahili.
