BARAZA la Sanaa la Taifa (BASATA), limeifungia video ya wimbo ‘Nimevurugwa’ ya mkali wa muziki wa mduara, Snura Mushi ‘Snura’ kwa madai ya kukosa vigezo vya kimaadili kwa jamii.
Akizungumza
hivi karibuni, Snura alisema hajui ni sababu gani iliyofanya kazi yake
kufungiwa kupigwa katika vituo vya televisheni.
“Nilipigiwa
simu na rafiki zangu na kuambiwa hivyo, lakini mpaka sasa sijui ni kwa
sababu gani maana sioni kama nimefanya kitu cha ajabu katika video hiyo
na cha kushangaza hata sijaulizwa na yeyote, ila ndiyo hivyo,” alisema.
Snura alisema wakati amesambaza video ya wimbo wake ‘Majanga’, kuna
baadhi ya mashabiki walimshangaa ni kwanini hajacheza katika kazi hiyo
kitu kilichosababisha video ya wimbo huo kupooza na kutokuwa na mvuto
kwa mashabiki wake.
“Nilivyopata malalamiko hayo, nikaona nisiwaboe kwa kuendelea kutoa video ambazo sichezi. Katika wimbo uliofuata nikacheza, kumbe nilikuwa naandaa mazingira ya kufungiwa,” alisema.
Snura ni kati ya wasanii ambao
wanafanya vizuri katika vituo mbalimbali vya redio na televisheni
kutokana na ubora wa kazi zake ambazo zinaliteka soko la muziki nchini.
Na hii ndio kazi ya Msanii huyo ambayo Imefungiwa kuchezwa katika Stasheni za Televisheni hapa nchiniCLICK THE LINK BELOW TO WATCH THE VIDEO ONLY 1.5MB== >
